Bakı. Ramiz Mikayıloğlu - APA. Hesablama Palatası Kollegiyasının növbəti iclası keçirilib.
APA-nın məlumatına görə, Kollegiya iclasında dövlət büdcəsindən Gənclər və İdman Nazirliyi aparatının saxlanılmasına və “Azərbaycan Gəncliyi 2011-2015-ci illərdə” Dövlət Proqramına və tədbirlərə, Respublika Neyrocərrahiyyə Xəstəxanasına, Azərbaycan Dövlət Bədən Tərbiyəsi və İdman Akademiyasına ayrılmış vəsaitlərin, eyni zamanda Akademiyanın büdcədənkənar daxilolmaları üzrə vəsaitlərin, həmçinin dövlət büdcəsinin “Mənzil və kommunal təsərrüfatı” bölməsindən Tovuz rayon İcra Hakimiyyətinin tabeliyində olan idarə, müəssisə və təşkilatlara ayrılmış vəsaitlərin proqnozlaşdırılması və istifadə olunmasına dair audit tədbirlərinin nəticələri barədə hesabatlar və rəylər müzakirə olunaraq müvafiq qərarlar qəbul edilib.
Müvafiq zəruri tədbirlərin görülməsi və həmin tədbirlərin nəticələri barədə Hesablama Palatasına məlumatların verilməsi üçün Kollegiya qərarlarının aidiyyəti dövlət qurumlarına göndərilməsi, eyni zamanda, audit tədbirlərinin nəticələri barədə məlumatların qanunvericiliklə nəzərdə tutulmuş qaydada Milli Məclisə təqdim olunması qərara alınıb. Eyni zamanda Kollegiya iclasında dövlət büdcəsinin “Mənzil və kommunal təsərrüfatı” bölməsindən Xəzər rayon İcra Hakimiyyəti və tabeliyində olan idarə, müəssisə və təşkilatlara ayrılan vəsaitlərin istifadəsinə, dövlət büdcəsindən Azərbaycan Milli Elmlər Akademiyası (AMEA) Radiasiya Problemləri İnstitutuna ayrılmış vəsaitlərin və büdcədənkənar daxilolmaların proqnozlaşdırılması və icrasına , dövlət büdcəsinin yerli xərclərindən Göygöl rayon Mərkəzi Xəstəxanasına ayrılmış vəsaitlərin proqnozlaşdırılması və icrasına, dövlət büdcəsinin yerli xərclərindən Bakı şəhər Mədəniyyət və Turizm İdarəsinə və struktur bölmələrinə ayrılmış vəsaitlərin və büdcədənkənar daxilolmaların proqnozlaşdırılması və icrasına dair nəzarət tədbirləri üzrə proqramlar təsdiq olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
