Bakı. Aynur Əliyeva – APA-Economics. Beynəlxalq Əmək Təşkilatının (BƏT) rəsmi saytındakı “Gənclərin Məşğulluq Siyasətləri üzrə İnformasiya Sistemi” bölməsində (https://www.ilo.org/dyn/youthpol/en/f?p=30850:1001:0::NO:::) Azərbaycan gənclərin səmərəli məşğulluğunun təminatı məsələləri ilə bağlı dolğun hüquqi bazası, siyasi və praktik iş təcrübəsi, aktiv məşğulluq proqramları barədə məlumatları təqdim olunan 41 ölkənin sırasına daxil edilib.
Bu, Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən “APA-Economics”ə daxil olan məlumatda bildirilib.
Bununla əlaqədar, BƏT-dən Əmək və Əhalinin Sosial Müdafiəsi Nazirliyinə ünvanlanan məktubda bildirilir ki, gənclərin məşğulluğunun təminatı BƏT-in fəaliyyətinin əsas tezislərindən biridir və üzv ölkələrdə bu sahədə aparılan siyasət və həyata keçirilən proqramlar təşkilat tərəfindən diqqətlə izlənilərək qiymətləndirilir. Azərbaycanın gənclərin əmək bazarında layiqli yer tutmaları, onların məşğulluğu sahəsində malik olduğu səmərəli siyasət, dolğun hüquqi baza, uğurlu iş təcrübəsi BƏT-də müsbət dəyərləndirilərək, təşkilatın saytında təqdim olunan beynəlxalq məlumatlar bazasında yerləşdirilib.
Məlumatlar bazası gənclərin məşğulluğunun dəstəklənməsi istiqamətində qabaqcıl ölkələrin müasir çağırışları əks etdirən uğurlu siyasət və təcrübələrinin ümumən dünyada yayılması və ayrı-ayrı ölkələrə gənclər arasında işsizliyin aradan qaldırılmasında bu təcrübələrdən istifadə imkanlarının yaradılmasıdır.
Xatırladaq ki, son illərdə Azərbaycan dünya miqyasında gənclərin məşğulluğu üzrə BMT-nin elan etdiyi on lider ölkə sırasına da daxil edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
