Böyük Britaniyanın Baş naziri Endi Börnem sentyabrın 22-də ABŞ Prezidenti Donald Trampla görüşündə İranla müharibənin mümkün qədər tez başa çatdırılmasına çağırış etməyi planlaşdırır.
Bu barədə “The Guardian” Börnemin Nyu-Yorka səfəri zamanı britaniyalı jurnalistlərə açıqlamasına istinadən məlumat yayıb.
“Əlbəttə, biz münaqişənin mümkün qədər tez başa çatmasını istəyirik və buna öz töhfəmizi verməyə hazırıq”, – Börnem Trampla danışıqlarında İran məsələsinə toxunub-toxunmayacağı barədə suala cavabında bildirib.
Nəşrin Britaniya hökumətindəki mənbələrinin sözlərinə görə, Börnem ABŞ Prezidenti ilə münasibətlərin inkişafında daha az konfrontativ yanaşma seçməyi, eyni zamanda əvvəlki hökumətin siyasətindən fərqli xətt yürütməyi planlaşdırır.
“The Guardian” yazır ki, Börnem BMT Baş Assambleyası çərçivəsində keçiriləcək görüşlərdə Yaxın Şərqdəki vəziyyət, Ukrayna münaqişəsi və süni intellektin inkişafı məsələlərini də müzakirə etmək niyyətindədir. Baş nazirin BMT Baş Assambleyasındakı çıxışında əsas diqqəti süni intellekt mövzusuna yönəldəcəyi bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
