Bakı. Fərid Mirzəyev - APA. Bu gün Azərbaycan Milli Elmlər Akademiyası (AMEA) Rəyasət Heyətinin növbəti iclası keçirilib.
APA-nın xəbərinə görə, AMEA prezidenti Akif Əlizadə Azərbaycan Dövlət Neft Şirkətinin (ARDNŞ) birinci vitse-prezidenti Xoşbəxt Yusifzadəyə Rusiya Təbiət Elmləri Akademiyasının verdiyi fəxri medalı təqdim edib.
AMEA-nın müxbir üzvü Geylani Pənahov Karbohidrogenlərin çıxarılması və nəqli üçün innovativ texnologiyalar haqda elmi məruzə ilə çıxış edib. G.Pənahov bu sahədə tədqiqatlar aparıldığını bildirib: “Biz Azərbaycandakı laboratoriyalarda, Moskvada, Çində, ABŞ-da bu sahədə tədqiqatlar aparmışıq. Bu sahədə bizim patentlərimiz var. Çində apardığımız tədqiqatlar nəticəsində ümumilikdə 7 min barel əlavə neft hasil olunub”.
X.Yusifzadə neft hasilatının artırılmasının hazırda ən vacib problem olduğunu bildirib: “Ona görə də biz hər bir təklifə ciddi yanaşmalıyıq”.