Bakı. Fərid Mirzəyev – APA. Azərbaycan Milli Elmlər Akademiyasında (AMEA) bir sıra kadr dəyişikliyi edilib. APA-nın xəbərinə görə, Rəyasət Heyətinin bu gün keçirilən iclasında Azər Cəfərov AMEA Mərkəzi Elmi Kitabxanasının ümumi işlər üzrə direktor müavini vəzifəsindən azad edilib.
Texnika üzrə fəlsəfə doktoru İltifat Kərimov isə Lənkəran Regional Elmi Mərkəzinin elmi işlər üzrə direktor müavini vəzifəsinə təyin olunub.
AMEA Fizika-riyaziyyat üzrə elmlər doktoru Soltan Əliyev AMEA-nın Riyaziyyat və Mexanika İnstitutunun elmi işlər üzrə direktor müavini vəzifəsindən azad edilib. AMEA-nın müxbir üzvü Vaqif Quliyev AMEA-nın Riyaziyyat və Mexanika İnstitutunun elmi işlər üzrə direktor müavini vəzifəsinə təyin olunub.
Filologiya üzrə elmlər doktoru Məhəbbət Mirzəliyeva AMEA-nın Nəsimi adına Dilçilik İnstitutunun elmi işlər üzrə direktor müavini vəzifəsindən azad edilib. Filologiya üzrə fəlsəfə doktoru Baba Məhərrəmli AMEA-nın Nəsimi adına Dilçilik İnstitutunun elmi işlər üzrə direktor müavini vəzifəsinə təyin olunub.
Rəyasət Heyətinin iclasında Baba Əliyevin AMEA Rəyasət Heyəti Aparatının İctimaiyyətlə əlaqələr və elmin populyarlaşdırılması idarəsinin İctimaiyyətlə əlaqələr şöbəsinin rəisi vəzifəsinə təyin olunması təsdiqlənib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
