Kiyevdə iyulun 19-na keçən gecə Rusiyanın endirdiyi zərbələr nəticəsində 1 nəfər ölüb, 13 nəfər isə müxtəlif dərəcəli bədən xəsarətləri alıb.
APA xəbər verir ki, Bu barədə Ukraynanın Fövqəladə Hallar üzrə Dövlət Xidməti məlumat yayıb.
Qeyd edilib ki, paytaxtın beş rayonunda dağıntılar və yanğınlar qeydə alınıb. Solomyanski rayonunda ofis binasında baş vermiş yanğının söndürülməsi işləri davam etdirilir. Yaşayış və qeyri-yaşayış binalarında baş vermiş digər yanğınlar isə artıq söndürülüb.
***
saat 08.07
Rusiyanın Kiyevə endirdiyi kütləvi raket zərbəsi nəticəsində 1 nəfər həlak olub, azı 6 nəfər yaralanıb.
APA xəbər verir ki, bu barədə Kiyev Şəhər Hərbi Administrasiyası məlumat yayıb.
Bildirilib ki, Solomyanski rayonunda qeyri-yaşayış binası və onun yaxınlığındakı beşmərtəbəli yaşayış binasında yanğın baş verib. Xilasedicilər binadan dörd nəfəri təxliyə ediblər.
Bundan əlavə, Dneprovski rayonunda yataqxanada, Şevçenkovski rayonunda inzibati binaya bitişik tikilidə, Desnyanski rayonunda isə avtomobillərdə yanğın qeydə alınıb. Bir neçə yaşayış binası və supermarket də zərər görüb.
UNIAN-ın son yeniləməsinə görə, hücum zamanı Solomyanski rayonunda çoxmənzilli yaşayış binasına birbaşa raket zərbəsi endirilib.
***
04:04
Rusiya ordusu iyulun 19-na keçən gecə Ukraynanın paytaxtı Kiyevə ballistik raketlər və pilotsuz uçuş aparatları ilə kütləvi hücum edib.
APA xəbər verir ki, bu barədə Kiyevin meri Vitali Kliçko məlumat verib.
Şəhərdə bir neçə güclü partlayış baş verib, hava hücumu xəbərdarlığı elan olunub. Hücum nəticəsində müxtəlif rayonlarda yaşayış binaları və mülki infrastruktur zədələnib.
Kiyev Şəhər Hərbi Administrasiyasının rəhbəri Timur Tkaçenkonun sözlərinə görə, hava hücumundan müdafiə qüvvələri raket və PUA-ların bir hissəsini məhv etsə də, dağıntılar nəticəsində yanğınlar baş verib.
Xilasedicilər hadisə yerlərində işləyir, zərərçəkənlərlə bağlı məlumat dəqiqləşdirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
