RYTN-in bir elektron xidmətindən oktyabr ayı üzrə istifadə sayı 140 mini ötüb

RYTN-in bir elektron xidmətindən oktyabr ayı üzrə istifadə sayı 140 mini ötüb
# 02 noyabr 2015 15:41 (UTC +04:00)

Bakı. Aqşin Rafiqoğlu – APA-Economics. Oktyabr ayında hansı mobil operatora daşındığı öyrənilən nömrələrin sayı sentyabr ayı ilə müqayisədə 7,1 faiz artıb.

Rabitə və Yüksək Texnologiyalar Nazirliyindən “APA-Economics”ə verilən məlumata görə, ötən ay “Mobil nömrə daşınması xidməti vasitəsilə digər şəbəkəyə daşınmış nömrələr barədə məlumatın verilməsi” elektron xidmətindən 141 063 dəfə istifadə olunub.

“Elektron hökumət” portalında istifadədə olan sözügedən elektron xidmət vasitəsi ilə mobil nömrənin hazırda hansı mobil operatora daşındığı barədə məlumat əldə etmək mümkündür və bu xidmətdən istifadə etməklə abunəçi etdiyi zəngin dəyərini hesablaya bilər.

Xatırladaq ki, ötən ilin fevral ayının 1-dən etibarən Azərbaycan ərazisində Mobil Nömrədaşıma Xidməti fəaliyyətə başlayıb. Bu xidmətdən faydalanaraq abunəçi istifadə etdiyi mobil telefon nömrəsini (şəbəkə kodu - 050, 051, 055, 070, 077 və nömrəni saxlamaq şərti ilə) bir mobil operatorun şəbəkəsindən çıxararaq digər mobil operatorun şəbəkəsinə keçirə bilər.

#
#

ƏMƏLİYYAT İCRA OLUNUR