Moskva. Fərid Əkbərov - APA. “Ukraynanın NATO və Avropa Birliyinə üzvlük perspektivinə baxılmır”. APA-nın Moskva müxbirinin verdiyi məlumata görə, bunu Rusiya xarici işlər naziri Sergey Lavrov deyib.
“Bu yaxınlarda Kiyevdə Ukrayna-Avropa İttifaqı sammiti keçirildi və yekun sənəd imzalandı. Həmin sənəddə Ukraynanın Aİ-yə üzvlük perspektivi haqqında bircə söz də yox idi. Bu günlərdə Brüsseldə Ukrayna-NATO Komissiyasının iclası keçirildi. Həmin iclasda da sənəd qəbul olundu. Sənəddə Ukraynanın NATO-ya daxil olacağı barədə heç bir vəd verilmir”, - deyə nazir Federasiya Şurasındakı çıxışında bildirib.
S. Lavrovun sözlərinə görə, Rusiyanın Aİ və NATO ilə əlaqələri Ukraynanın bu iki təşkilata üzvlük perspektivinə baxılmadığını təsdiq edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
