Bakı-APA. “Hərbi çevriliş cəhdi barədə xəbəri yeznəmdən öyrəndim”.
APA-nın “Hürriyet”-ə istinadən verdiyi xəbərə görə, bunu Türkiyə prezidenti Rəcəb Tayyib Ərdoğan “Əl-Cəzirə” telekanalına müsahibəsində bildirib.
“Əlbətdə ki, sonra bunun təsdiqi gəldi, ancaq ilk dəfə bu barədə yeznəm məni məlumatlandırdı. Hətta əvvəl eşidəndə, buna ciddi fikir vermədim”, deyə Ərdoğan qeyd edib.
Onun sözlərinə görə, baş vermiş hadisələrdə kəşfiyyatın nöqsanları üzə çıxıb: “Əks halda çevrilişə cəhdin qarşısını almaq mümkün olardı. Bu hadisələrin arxasında xarici ölkələr də dura bilər. Zaman gələcək, bütün bunlara aydınlıq gətiriləcək. Fətullah Gülənin terrorçu təşkilatı dövlət içində “paralel dövlət” qurub. Onların həyata keçirdiyi dövlət çevrilişi cəhdi uğursuz başa çatıb. Əminəm ki, yaxın günlər və həftələr ərzində yeni cinayətlərə əl atmağa çalışacaqlar. Lakin dövlətimiz və xalqımız bu kimi təşkilatlara qarşı birgə dayanıb. Bu birlik heç kimə öz məqsədinə nail olmağa imkan verməyəcək”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
