Bakı. Musa Əhmədov – APA-Economics. “Unibank”ın kredit portfelinin həcmi 2015-ci ilin III rübündə 691,713 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 2,26% çoxdur.
Bankdan “APA-Economics”ə verilən məlumata görə, hesabat dövründə bankın istehlak kreditlərinin həcmi 1,62% artaraq 512,729 mln. manat olub.
Oktyabr ayının 1-nə bank ticarət və xidmət sahəsinə 115,123 mln. manat həcmində kredit verilib ki, bu, 2014-cü ilin yanvar-sentyabr aylarına nisbətən 2,55% çoxdur. Bankın bu sahəyə ayırdığı kreditin ümumi həcmdə payı 16,64% təşkil edib.
Bu ilin 9 ayında bank kənd təsərrüfatı sahəsinə 29,449 mln. manat kredit verib ki, bu da ötən ilin müvafiq dövrünə nisbətən 16,59% azdır.
Bundan başqa, bu ilin III rübündə bank sənayenin digər sahələrinə 15,829 mln. manat, neft sənayesi müəssisələrinə 12,297 mln. manat, energetika və təbii ehtiyatlar sahəsinə 339,5 mln. manat kredit verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
