Bakı-APA. Türkiyənin Muş vilayətində PKK terrorçuları polis avtomobilini atəşə tutub.
APA-nın “Milliyet”-ə istinadən verdiyi xəbərə, nəticədə patrul vəzifəsi icra edən polis əməkdaşlarından 2-si yaralanıb.
Əlavə polis qüvvələri insident yerinə cəlb olunduqdan sonra yaranan atışmada silahlılardan 2-si məhv edilib, 1-i yaxalanıb. Yaralanan polis əməkdaşları Muş Dövlət Xəstəxanasına çatdırılıb.
Hadisənin baş verdiyi Muş-Bingöl yolunda təhlükəsizlik tədbirləri gücləndirilib.