Sosial

Ana səhifə

Sosial

Boşalmış xüsusi neft-qazçıxarma zonalarının torpaqlarının təyinatı dəyişdiriləcək

13 iyul 2016 17:07 (UTC +04:00)

Bakı. Ramiz Mikayıloğlu - APA. Azərbaycanda boşalmış xüsusi neft-qazçıxarma zonalarının torpaqlarının təyinatı dəyişdiriləcək.

APA-nın məlumatına görə, bu, Azərbaycan prezidenti İlham Əliyevin 13 iyul 2016-cı il tarixli sərəncamı ilə təsdiq edilən “Azərbaycan Respublikasında daşınmaz əmlakın kadastrı sisteminin inkişafı, torpaqdan istifadənin və onun mühafizəsinin səmərəliliyinin artırılmasına dair 2016-2020-ci illər üçün Dövlət Proqramı”nda əksini tapıb.

Əmlak Məsələləri Dövlət Komitəsi, Dövlət Neft Şirkəti, yerli icra hakimiyyəti orqanları və bələdiyyələr 2016-2020-ci illərdə torpaqlardan səmərəli istifadə olunması və onların mühafizəsi məqsədi ilə istismarçı təşkilatların təsərrüfat məqsədləri üçün istifadələrində saxlanılması zəruri hesab olunmayan və rekultivasiya tələb edən boşalmış xüsusi neft-qazçıxarma zonalarının torpaqlarında inventarlaşdırma işləri aparılaraq müvafiq
təkliflərin hazırlanmasını həyata keçirməlidirlər.