Bakı. Aqşin Rafiqoğlu – APA-Economics. SOCAR tərəfindən bu ilin iyul ayında dövlət büdcəsinə 127 mln. 110 min manat vəsait ödənilib.
“APA-Economics”in SOCAR-a istinadən məlumatına görə, bu, 2015-ci ilin iyul ayı ilə müqayisədə 18 mln. 415 min manat və ya 12,65% azdır.
Ümumiyyətlə, bu ilin yanvar-iyul aylarında büdcəyə 788 mln. 852 min manat vəsait ödənilib ki, bu da ötən ilin yeddi ayı ilə müqayisədə 85 mln. 403 min manat və ya 9,76% az olub.
Bundan əlavə, bu ilin iyul ayında SOCAR Dövlət Sosial Müdafiə Fonduna (DSMF) 12 mln. 74 min manat vəsait köçürüb. bu, 2015-ci ilin iyul ayı ilə müqayisədə 901 min manat və ya 8,06% çox olub.
Ümumiyyətlə, bu ilin yanvar-iyul aylarında SOCAR tərəfindən DSMF-ə ödəniş 81 mln. 606 min manat təşkil edib ki, bu da ötən ilin analoji dövrü ilə müqayisədə 649 min manat və ya 0,8% çox olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
