Bakı – APA. Xorvatiyanın sabiq prezidenti, Xorvatiya-Azərbaycan Dostluq Cəmiyyətinin sədri Stepan Mesiç Azərbaycan prezidenti İlham Əliyevə məktub göndərib.
APA-nın məlumatına görə, S. Mesiçin məktubunda deyilir:
“Hörmətli cənab prezident, icazə verin, Azərbaycan Respublikasının Dağlıq Qarabağ bölgəsində hərbi vəziyyətin kəskinləşməsi ilə bağlı dərin narahatlığımı ifadə edim. Münaqişə zonasında mülki şəxslərin və hərbi qulluqçuların həlak olması ilə bağlı sizə dərin hüznlə başsağlığı verirəm. Atəşkəs rejiminin tezliklə bərpa edilməsinə, həlli uzanmış bu münaqişənin beynəlxalq hüququn norma və prinsipləri əsasında, xüsusilə ərazi bütövlüyü, sərhədlərin toxunulmazlığı və BMT Təhlükəsizlik Şurasının müvafiq qətnamələrinin qeyd-şərtsiz yerinə yetirilməsinə uyğun olaraq birdəfəlik həllinə ümid edirəm”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
