Tovuz. Azər Məmmədli - APA. Türkiyə vətəndaşının idarə etdiyi “Tır” Tovuz rayonunda qəzaya uğrayıb. APA-nımn qərb bürosunun verdiyi məlumata görə, hadisə Bakı-Qazax magistral yolunun 445-ci kilometrliyində, Tovuz rayonun Aşağı Quşçu kəndində qeydə alınıb. Türkiyə vətəndaşı, sürücü Bahri Ceceli “Tır”la hərəkətdə olarkən avtomobili yolun kənarındakı əkin sahəsinə aşırdıb. Qəza zamanı sürücü yüngül bədən xəsarəti alıb.
Yük maşınında olan dəmir materiallar ətrafa dağılıb. İlkin ehtimallara görə, hadisə sürücü dönmə əməliyyatını düzgün yerinə yetirə bilmədiyindən baş verib.
Faktla bağlı Baş Dövlət Yol Polisi İdarəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
