Bakı. Cavid Zeynallı - APA. Leyli Mirzəyeva Nizami Kino Mərkəzinin direktor vəzifəsinə təyin olunub.
Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, bununla bağlı nazir Əbülfəs Qarayev əmr imzalayıb.
Leyli Mirzəyeva Bakı Musiqi Akademiyasının məzunudur. Müxtəlif dövrlər ərzində "Kainat" Gənclik Mərkəzinə layihələr üzrə koordinator, Nizami Kino Mərkəzində marketinq şöbəsinin müdiri və kino işləri üzrə direktor müavini vəzifələrində çalışıb.