Bakı. Etibar Məmmədov - APA. Dilarə Əliyeva adına Azərbaycan Qadınlarının Hüquqlarının Müdafiə Cəmiyyəti “Qərar qəbuletmədə qadınların rolunun artırılması yolları” mövzusunda konfrans keçirib.
APA-nın xəbərinə görə, tədbirdə çıxış edən hüquq müdafiəçisi Novella Cəfəroğlu Cənubi Qafqaz Qadın Konqresinin yaradılması və fəaliyyəti barədə məlumat verib. O bildirib ki, konqresin yaradılmasında məqsəd Qafqazda gender bərabərliyi yaratmaq, qadınların dövlət orqanlarında təmsil olunmasını təşkil etməkdir.
Müsavat Partiyası Mərkəzi Nəzarət-Təftiş Komissiyasının sədri Sevinc Hüseynova deyib ki, Cənubi Qafqazda qadın hüquqları ilə məşğul qadınlarla görüşlər keçirib: "Təklif edildi ki, Cənubi Qafqazın siyasi partiyaları arasında əlaqə qurulsun. Gürcüstanda siyasi partiyalarda qadınlar az təmsil olunur. Biləndə ki, bizim Müsavat partiyasında 3 yüksək vəzifədən ikisini qadınlar tutur, bu, çox böyük uğur kimi qəbul edildi".
Hüquq müdafiəçisi Səidə Qocamanlı isə çıxışında Qarabağ münaqişəsinin tənzimlənməsində qadınların rolundan danışıb. O qeyd edib ki, konfliktlərin həllində, sülh quruculuğunda qadınlar da iştirak etməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
