Tehran. Süleyman Fərzəliyev – APA. İran prezidenti Həsən Ruhani Azərbaycana səfər edəcək.
Bu barədə APA-nın İran bürosuna bu ölkənin rabitə və informasiya texnologiyaları naziri, iqtisadi əməkdaşlıq üzrə İran-Azərbaycan hökumətlərarası komissiyasının həmsədri Mahmud Vaezi məlumat verib.
M. Vaezi bildirib ki, iki ölkə arasında əlaqələrin inkişafı baxımından Azərbaycan prezidenti İlham Əliyevin yaxın vaxtlarda Tehrana səfəri mühüm əhəmiyyət daşıyır: “Prezident İlham Əliyevin Tehrana səfərindən sonra düşünürəm ki, prezident Ruhani də Azərbaycana səfər edəcək”.
Nazirin sözlərinə görə, prezidentlərin səfərlərinin baş tutması iki ölkə arasında əlaqələrin inkişafına təkan verəcək.