Bakı. Hafiz Heydərov- APA. Şamaxı, Saatlı, Şirvan və Bakıda ev yanıb.
APA-nın Fövqəladə Hallar Nazirliyinin saytına istinadən verdiyi məlumata görə, Şamaxı rayonu, Laləzar kəndində vətəndaşa məxsus ümumi sahəsi 90 kv.m olan birmərtəbəli 3 otaqlı evin tavan hissəsi 55 kv.m sahədə yanıb. Evin qalan hissəsi yangından mühafizə olunub.
Saatlı rayonu, Bəylər kəndində isı vətəndaşa məxsus ümumi sahəsi 108 kv.m olan birmərtəbəli 3 otaqlı fərdi yaşayış evinin tavanı və dam örtüyünün yanar konstruksiyaları 76 kv.m sahədə yanıb.
Digər yanğın hadisəsi Bakının Yasamal rayonunda qeydə alınıb. Vətəndaşa məxsus ümumi sahəsi 30 kv.m olan birmərtəbəli 1 otaqlı evin yanar konstruksiyaları və ev əşyaları yanıb. Yaxınlıqdakı yaşayış evləri yanğından mühafizə olunub.
Şirvan şəhərində isə ümumi sahəsi 195 kv.m olan 7 otaqdan ibarət ofisin mətbəxində 1 ədəd su qızdırıcısı, 4 kv.m sahədə mətbəx mebeli və lambirdən ibarət tavan 10 kv.m sahədə yanıb.
Daha bir yanğın hadisəsi Bakı şəhəri, Xətai rayonunda baş verib. İkimərtəbəli tikilinin 2-ci mərtəbəsində vətəndaşa məxsus ümumi sahəsi 56 kv.m olan çay evində 1 ədəd soyuducu, 2 ədəd kondisioner və 1 ədəd televizor yanıb. Çay evinin qalan hissəsi yanğından mühafizə olunub.
Yanğınlar yanğınsöndürənlər tərəfindən söndürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
