Avropa

Ana səhifə

Avropa

Marqvelaşvili: Gürcüstan qlobal təhlükəsizliyin qorunmasında vacib rol oynayır - FOTOSESSİYA

Marqvelaşvili: Gürcüstan qlobal təhlükəsizliyin qorunmasında vacib rol oynayır - <span style="color: red;">FOTOSESSİYA

03 sentyabr 2017 15:04 (UTC +04:00)

Gürcüstanda NATO-nun “Agile Spirit 2017” (“Çevik ruh”) çoxmillətli hərbi təlimləri başlayıb.

APA-nın yerli bürosunun məlumatına əsasən, açılış mərasimində çıxış edən Gürcüstan prezidenti Giorgi Marqvelaşvili Gürcüstanın qlobal sabitlik və təhlükəsizliyin qorunmasında çox vacib rol oynadığını bildirib.

G. Marqvelaşvili deyib ki, ərazilərinin işğal olunmasına baxmayaraq, Gürcüstan qlobal təhlükəsizlik prosesində iştirakda böyük məsuliyyəti olan ölkədir: “Bu gün dostlarımız və tərəfdaşlarımız yanımızdadır. Təlimlər Gürcüstanın ərazi bütövlüyü və xalqının müdafiə olunması istiqamətində irəli atılmış addımdır”.

Qeyd edək ki, sentyabrın 11-dək davam edəcək təlimlər Orpolo hərbi poliqonu və leytenant Şota Xurtsidze adına tank qoşunları mərkəzində təşkil olunacaq. Təlimlərdə Gürcüstan, ABŞ, Bolqarıstan, Latviya, Rumıniya və Ukrayna hərbçiləri ilə yanaşı Azərbaycan hərbçiləri də iştirak edəcək. Təlimlərin keçirilməsində məqsəd ABŞ qüvvələri ilə NATO-nun üzv və tərəfdaş ölkələrinin hərbçiləri arasında qarşılıqlı əlaqənin inkişaf etdirilməsi, müdafiə və hücum əməliyyatları üzrə biliklərin artırılması və regionda təhlükəsizliyin təmin olunmasıdır.