Hacıqabulda avtomobil kanala aşıb, bir ailənin 2 üzvü xəsarət alıb.
ONA-nın Mil-Muğan bürosunun məlumatına görə, hadisə Hacıqabul rayonunun Abdulabad kəndində qeydə alınıb. Ensiz körpüdən keçmək istəyən Ağsu sakini, 1990-cı il təvəllüdlü Mehdiyev Xəyyam Elman oğlunun idarə etdiyi VAZ 2107 markalı avtomobil kanala aşıb.
Nəticədə sürücü xırda sümük sınığları ilə Şirvan şəhər xəstəxanasına yerləşdirilib. Avtomobildə olan sərnişin- 1963-cü il təvəllüdlü Mehdiyeva Təzəgül Bayram qızı isə yüngül xəsrət alıb, ona ambulator yardım göstərilib.
Qeyd edək ki, son 5 gündə həmin körpüdə ikinci avtomobil qəzası baş verir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
