Bu günə qədər Bakı-Tbilisi-Qars (BTQ) dəmir yolu vasitəsilə 500-dən çox konteyner daşınıb.
"APA-Economics" xəbər verir ki, bunu “Azərbaycan Dəmir Yolları”nda son üç ilin yekunlarına həsr olunmuş yığıncaqda QSC sədri Cavid Qurbanov bildirib.
C.Qurbanovun sözlərinə görə, Bakı-Tbilisi-Qars dəmir yoluna xarici ölkələrin marağı olduqca böyükdür.
"Zaman keçdikcə bura cəlb olunan yüklərin həcmi artacaq. Türkiyə ilə Çin arasında təxminən 500 min konteyner dövriyyəsi var. Bu da Bakı-Tbilisi-Qars dəmir yolu ilə konteynerlərin həcminin artmasında rol oyanacaq", - deyə C.Qurbanov bildirib.