ABŞ-ın Texas ştatında “Harvi” qasırğası nəticəsində ölənlərin sayı 70 nəfərə çatıb.
APA-nın TASS agentliyinə istinadən verdiyi xəbərə görə, bundan əvvəl 60 nəfərin öldüyü, təqribən 20 nəfərin itkin düşdüyü bildirilirdi.
Texas ştatının qubernatoru Qreq Ebbot qasırğanın fəsadlarının aradan qaldırılmasına 150-180 milyard dollar vəsaitin tələb olunduğunu bildirib. “Harvi” son 12 ildə ABŞ-da qeydə alınan ən güclü qasırğa olub.