Bakı. Yeganə Laçınzadə - APA-Economics. "Bank Avrasiya" ASC-nin aktivlərinin həcmi 2016-cı ilin III rübündə 135,729 mln. manat təşkil edib ki, bu da ilin əvvəli ilə müqayisədə 10,1% çoxdur.
"APA-Economics" xəbər verir ki, cari ilin oktyabrın 1-nə bankın kredit portfeli 4,1% artaraq 83,220 mln. manata çatıb.
Cari ilin 9 ayı ərzində bankın öhdəlikləri 7,5% artaraq 77,599 mln. manat olub. Bankın depozit portfeli 8,4% artaraq 31,65 mln. manat təşkil edib.
Hesabat dövründə bankın məcmu kapitalı 13,6% artaraq 58,130 mln. manat, nizamnamə kapitalı isə dəyişməyərək 50 mln. manat olub.
Son 9 ayda bankın gəlirləri 11,561 mln. manat, xərcləri isə 5,038 mln. manat təşkil edib.
"Bank Avrasiya" III rübü 6 mln. 696,5 min manatlıq mənfəətlə başa vurub.