Bakı. Hafiz Heydərov – APA. Bakıda küçədən meyit tapılıb.
Xətai Rayon Polis İdarəsindən APA-ya verilən məlumata görə, hadisə Aşıq Ələsgər küçəsi 14 ünvanında qeydə alınıb. Həmin ünvanda küçədə naməlum kişi meyitinin aşkarlanması barədə polisə məlumat daxil olub.
Araşdırmalar zamanı meyiti tapılan şəxsin 1976-cı il təvəllüdlü Elşən Gülmirzə oğlu Rzayev olması müəyyən edilib. Meyitin üzərində zorakılıq əlamətləri aşkarlanmayıb.
E. Rzayevin ölüm səbəblərini müəyyən etmək üçün tibbi ekspertiza təyin edilib.
Faktla bağlı araşdırma aparılır.