İran prezidenti Həsən Ruhaninin martı sonunda Rusiyaya səfəri zamanı Dağlıq Qarabağ münaqişəsinin həlli müzakirə ediləcək.
APA-nın “RİA Novosti”yə istinadən verdiyi məlumata görə, bunu Rusiyanın İrandakı səfiri Levan Caqaryan deyib.
”Ruhaninin səfərinin martın sonunda həyata keçiriləcəyi planlaşdırılır. Rusiya rəhbərliyi ilə aparılacaq danışıqlarda siyasi və iqtisadi, o cümlədən ticarət sahəsində əməkdaşlıq müzakirə olunacaq. Bundan əlavə, regiondakı ən aktual məsələlər diqqət mərkəzində olacaq. Bunlar Əfqanıstandakı vəziyyət, Xəzər dənizi problemi və Dağlıq Qarabağ münaqişəsidir“, - deyə rusiyalı diplomat bildirib.