Bu gün AFFA İntizam Komitəsinin növbəti iclası keçirilib. Apasport.az saytının məlumatına görə, iclasda Azərbaycan kubokunun 1/8 final mərhələsi matçlarında qeydə alınmış neqativ hallar müzakirə olunub.
“İnter Arena”da keçirilən “İnter” – “Qaradağ Lökbatan” görüşündə 4 futbolçusu sarı vərəqə alan meydan sahibləri 800 manat cərimə olunub.
AZAL – “Rəvan” qarşılaşmasının 90+1-ci dəqiqəsində qonaqların oyunçusu Zahid Quliyev aqresiv davranışa görə birbaşa qırmızı vərəqə alaraq meydandan kənarlaşdırıldığı zaman rəqibin etnik mənsubiyyətinə qarşı təhqiramiz ifadəyə yol verib. Bu səbəbdən futbolçu 7 oyunluq diskvalifikasiya olunub, klubunu isə 640 manat ziyana salıb.
“Qəbələ” – “Zaqatala” matçında ev sahiblərinin 5 üzvü sarı vərəqə ilə cəzalandığı üçün klub 800 manat cərimə olunub.
“Qarabağ” – “Səbail” oyununda isə radio-informasiyanın 17 dəqiqə gec verilməsi ucbatından ağdamlılara xəbərdarlıq olunub. Bu hal yenidən təkrarlanacağı təqdirdə klub cəzalanacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
