Bakı. Fərid Mirzəyev – APA. Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə Aşura günü ilə bağlı “Təzəpir” məscidində keçiriləcək qanvermə aksiyasında iştirak edəcək. Bu barədə APA-ya QMİ-nin mətbuat xidmətindən məlumat verilib.
Qeyd edək ki, hər il olduğu kimi, bu il də Məhərrəmlik ayının onuncu günü - Aşurada Səhiyyə Nazirliyinin və QMİ-nin təşkilatçılığı ilə qana ehtiyacı olan xəstələrə yardım məqsədilə könüllü qanvermə aksiyaları keçiriləcək.