Milli Məclisin deputatı Qüdrət Həsənquliyev Ermənistan prezidenti Serj Sarkisyanı Naxçıvanda keçirilən hərbi təlimlərdən nəticə çıxarmağa çağırıb.
APA-nın məlumatına görə, Milli Məclisin iclasında çıxış edən Q. Həsənquliyev deyib ki, oktyabrın 18-də Naxçıvan Muxtar Respublikasında keçirilən hərbi parad Serj Sarkisyana tutarlı cavab idi. O qeyd edib ki, Naxçıvan Əlahiddə Ümumqoşun Ordusu Azərbaycan Silahlı Qüvvələrinin kiçik bir hissəsidir: “Odur ki, Sarkisyan və ermənilər o paradı izləyib, ağlını başına almalıdır. Bu, ona xəbərdarlıqdır. Artıq 90-cı illər deyil. O zaman Azərbaycan daxilində kifayət qədər problemlər olduğundan torpaqlarımız işğal olundu. İndi tamamilə başqa Azərbaycan var. Ermənilər unutmasın ki, təkcə Naxçıvandakı hərbi potensial işə düşsə, Ermənistanda daş-daş üstdə qalmayacaq".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
