Mətbuat Şurası: Jurnalistlərin seçkini işıqlandırmalarına heç bir maneə yoxdur

Mətbuat Şurası: Jurnalistlərin seçkini işıqlandırmalarına heç bir maneə yoxdur
# 01 noyabr 2015 14:16 (UTC +04:00)

Bakı. Fərid Mirzəyev – APA. Mətbuat Şurasının “qaynar xətti” və monitorinq qrupu fəaliyyətini davam etdirir.

Şuradan APA-ya verilən xəbərə görə, saat 14.00-dan 17.00-dək olan müddətdə parlament seçkilərində peşə fəaliyyətini yerinə yetirən jurnalistlərdən Mətbuat Şurasının “qaynar xətt”inə müraciət daxil olmayıb.

Bildirilib ki, paytaxtda və ölkənin müxtəlif bölgələrindəki seçki məntəqələrində olan Mətbuat Şurasının monitorinq qrupunun üzvləri də parlament seçkisində jurnalistlərin prosesi işıqlandırmalarında hər hansı maneə qeydə almayıblar: “MŞ-nin parlament seçkiləri ilə bağlı yaradılmış monitorinq qrupu paytaxtda və ölkəmizin müxtəlif bölgələrindəki seçki məntəqələrində seçkinin gedişini izləməkdədirlər. Monitorinq qrupunun tərkibinə həmçinin Şuranın sıralarında təmsil olunan bölgə kütləvi informasiya vasitələrinin əməkdaşları da daxildir.

Şuranın (012) 441 35 96, (012) 441 35 30 telefon, həmçinin (050) 534 93 26 və (055) 201 99 26 mobil nömrələri 1 noyabr parlament seçkiləri ilə əlaqədar olaraq, saat 19.00-dək «qaynar xətt» rejimində fəaliyyət göstərəcək”.

Qeyd edək ki, saat 08.00-dan 17.00-dək “qaynar xətt”ə cəmi 1 jurnalist tərəfindən müraciət daxil olub. Azərbaycan Respublikasının Mərkəzi Seçki Komissiyasının köməkliyi ilə “Report” İnformasiya Agentliyinin müxbiri Orxan Əzimovun 24 saylı Nizami I seçki dairəsinin 19 və 20 saylı məntəqələrində peşə fəaliyyətini sərbəst yerinə yetirməsi təmin edilib, yaranmış anlaşılmazlıq aradan qaldırılıb.

#
#

ƏMƏLİYYAT İCRA OLUNUR