Bakı. Aynur Əliyeva – APA-Economics. Türkdilli Dövlətlərin Əməkdaşlıq Şurası ölkələrinin nəqliyyat nazirlərinin II iclası gələn il Astana şəhərində (Qazaxıstan) keçiriləcək. «APA-Economics»in Qazaxıstan Nəqliyyat və Kommunikasiyalar Nazirliyinin saytına istinadən verdiyi məlumata görə, türkdilli dövlətlərin nəqliyyat nazirlərinin iclasının mayın 19-21-də keçiriləcəyi gözlənilir.
Xatırladaq ki, Türkdilli Dövlətlərin Əməkdaşlıq Şurasına Azərbaycan, Qazaxıstan, Qırğızıstan və Türkiyə daxildir. Üzv dövlətlərin nəqliyyat nazirlərinin ilk iclası bu ilin iyul ayında Bakıda keçirilib.