Bakı-APA. Bakının Binəqədi rayonunda vətəndaşa məxsus ikiotaqlı mənzildə yanğın baş verib. APA-nın Fövqəladə Hallar Nazirliyinin rəsmi saytına istinadən verdiyi məlumata görə, hadisə nəticəsində ümumi sahəsi 64 kv.m olan mənzilin bir otağında ev əşyaları 6 kv.m sahədə yanıb.
Yanğın zamanı yüksək temperaturdan "Samsung" markalı kondinsioner və mətbəxin lambirdən ibarət tavanı əriyib. Mənzilin qalan hissəsi yanğından mühafizə olunub.