Bakı. Xanım Nağıyeva - APA. Mayın 18-də Azərbaycan Dövlət Akademik Opera və Balet Teatrının səhnəsində C. Verdinin “Aida” operasının tamaşası keçiriləcək. Teatrın mətbuat xidmətindən APA-ya verilən məlumata görə, tamaşada azərbaycanlı opera sənətçiləri ilə yanaşı, Belarus və Gürcüstandan dəvət olunmuş vokal ifaçıları da çıxış edəcək.
Tamaşada Aida rolunu Belarus Akademik Böyük Opera və Balet Teatrının və Rusiya Akademik Böyük Teatrının solisti Anastasiya Moskvina, Radames rolunu Gürcüstanın xalq artisti, professor Teymuraz Ququşvili, Amonasro partiyasını isə Gürcüstanın əməkdar artisti, vokalçıların Bülbül adına müsabiqəsinin laureatı Sulxan Qvelesiani ifa edəcək.
Tamaşada Azərbaycan opera sənətçiləri – xalq artisti Əli Əsgərov, əməkdar artistlər Səbinə Vahabzadə, Gülnaz İsmayılova, aparıcı solist Anton Ferştandt və başqalarının da çıxışları nəzərdə tutulub.
\
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
