Bakı. Aynur Əliyeva – APA-Economics. Gələn ay Başqırdıstanın paytaxtı - Ufa şəhərindən (Rusiya) Bakı istiqamətində yeni müntəzəm aviareys açılacaq. «APA-Economics»in məlumatına görə, «Ural Hava Yolları» aviaşirkətinin reallaşdıracağı reyslər həftədə bir dəfə, çərşənbə günləri yerinə yetiriləcək.
Ufa-Bakı istiqamətində aviabiletin qiyməti təqribən 157 manat olacaq. «Airbus-320» təyyarəsi ilə həyata keçiriləcək ilk aviareys dekabrın 25-də baş tutacaq. Növbəti reys isə Yeni İl bayramından sonra, yanvarın 15-də həyata keçiriləcək.
Qeyd edək ki, hazırda Ufadan Bakıya iki daimi reys həyata keçirilir. Bu istiqamət üzrə uçuşlar həftənin çərşənbə axşamı günləri «Taymır» aviaşirkəti tərəfindən yerinə yetirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
