Azərbaycanda dövlət zəmanətli borcun həcmi 2026-cı ilin ilk 9 ayı ərzində 2 milyard 482,4 milyon manat azalıb.
“APA-Economics” Maliyyə Nazirliyinə istinadən xəbər verir ki, oktyabrın 1-nə dövlət zəmanətli borcun ümumi məbləği 7 milyard 886 milyon manat təşkil edib.
İlin əvvəlində bu göstərici 10 milyard 368,4 milyon manat olub. Beləliklə, dövlət zəmanətli borcun həcmi 23,9% azalıb.
Hesabat dövrünün sonuna dövlət zəmanətli borcun 4 milyard 857,8 milyon manatı və ya 61,6%-i xarici, 3 milyard 28,2 milyon manatı və ya 38,4%-i daxili dövlət zəmanətli kreditlərin payına düşüb.
Dövlət zəmanətli borcun ÜDM-ə nisbəti ilin əvvəlindəki 8%-dən 5,7%-ə enib.
Nazirliyin məlumatına görə, azalmanın əsas səbəbi “Cənub Qaz Dəhlizi” QSC tərəfindən dövlət zəmanəti ilə cəlb edilmiş 2 milyard ABŞ dolları məbləğində xarici valyutada buraxılmış istiqrazların geri qaytarılmasıdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
