Azərbaycanda bank olmayan kredit təşkilatlarının (BOKT) istiqrazlarının gəlirliliyi 10–15% arasında dəyişsə də, sığorta şirkətlərinin bu qiymətli kağızlara investisiyaları məhdud olaraq qalır.
“APA-Economics” xəbər verir ki, bunu XII Azərbaycan Mikromaliyyə Konfransında Azərbaycan Sığortaçılar Assosiasiyasının icraçı direktoru Abas Mişkarlı bildirib.
Onun sözlərinə görə, sığorta şirkətlərinin investisiya portfellərinin orta gəlirliliyi təxminən 7–8% təşkil edir. BOKT istiqrazlarının gəlirliliyi isə bundan yüksəkdir.
Bununla belə, bəzi sığorta şirkətlərinin investisiya portfellərində BOKT istiqrazları ümumiyyətlə yer almır.
A. Mişkarlı bildirib ki, sığorta şirkətlərinin investisiya qərarlarında əsas amillərdən biri risklərin qiymətləndirilməsidir.
Onun sözlərinə görə, sığorta şirkətləri öhdəliklərini vaxtında yerinə yetirmək üçün kifayət qədər likvid vəsait saxlamalıdırlar.
A. Mişkarlı qeyd edib ki, BOKT-ların kredit portfellərinin keyfiyyəti və risklərin düzgün idarə olunması sığorta şirkətlərinin həmin təşkilatların istiqrazlarına investisiya yatırmaq qərarlarına təsir göstərir.
O vurğulayıb ki, daha yüksək gəlirlilik təklif edilməsi özlüyündə investisiya üçün kifayət deyil. Əlavə gəlir götürülən riskə uyğun olmalıdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
