Saatlı. Əlibəy Zeynallı-APA. Saatlıda mağazalardan oğurluq edən 26 yaşlı rayon sakini tutulub. Saatlı rayon Polis Şöbəsindən (RPŞ) APA-nın Mil-Muğan bürosuna verilən məlumata görə, rayonun Şirinbəyli kənd sakini, əvvəllər məhkum olunmuş, 1989-cu il təvəllüdlü Aynur Fazil oğlu Mövsümov tutulub. Onun üstündən 38,76 qram marixuana aşkar edilərək götürülüb.
Qeyd edək ki, A. Mövsümov noyabrın 8-də rayon sakinləri Elvin Rzayevə və İslam Ruşanova məxsus mağazalardan pul, mobil danışıq kartları, ərzaq məhsulları, tütün məmulatı, geyim və məişət əşyaları oğurlayıb.
Faktla bağlı Saatlı RPŞ-da cinayət işi açılıb, araşdırma aparılır.