Bakı. Anaxanım Hidayətova - APA. Bu gün BMT Baş Assambleyasında 2015-2016-cı illər üçün Təhlükəsizlik Şurasının beş yeni qeyri-daimi üzvü seçiləcək.
APA-nın xəbərinə görə, Qərbi Avropa və digər ölkələri Yeni Zelandiya, İspaniya və Türkiyənin, Latın Amerikası ölkələri Venesuelanın, Afrika və Asiya-Sakit Okean ölkələri Anqola və Malayziyanın namizədliyini irəli sürüb.
Dekabrın 31-də Ruanda, Koreya Respublikası, Argentina, Avstraliya və Lüksemburqun BMT Təhlükəsizlik Şurasında qeyri-daimi üzvlüyü başa çatacaq.
qeyd edək ki, BMT Təhlükəsizlik Şurası 15 üzvdən ibarətdir. Böyük Britaniya, Çin, Fransa, Rusiya və ABŞ daimi üzv ölkələrdir. Digər on qeyri-daimi üzv ölkələri iki il müddətinə Baş Assambleyada seçilir. Hər il 5 ölkə əvəzlənir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
