Hadisə

Ana səhifə

Hadisə

Gəncə-Qazax magistralında reyd keçirilib, 300-ə yaxın sürücü cərimələnib - VİDEO

Gəncə-Qazax magistralında reyd keçirilib, 300-ə yaxın sürücü cərimələnib - <span style="color: red;">VİDEO

13 iyul 2015 09:35 (UTC +04:00)

Tovuz. Azər Məmmədli - APA. Bakı-Qazax magistral yolunun qərb bölgəsindən keçən hissəsində reyd keçirilib.

Baş Dövlət Yol Polisi İdarəsindən APA-nın qərb bürosuna verilən məlumata görə, bir neçə gün əvvəl magistral yolun Tovuz rayonu ərazisində 4 nəfərin ölümü ilə nəticələnən dəhşətli qəzadan sonra yol polisi ölkənin əsas yollarında kütləvi reydlərə başlayıb.

İdarənin məsul şəxslərinin xüsusi qrupunun da iştirak etdiyi reydlərə Tovuz rayonundan başlanılıb. Reyd zamanı sənədsiz sükan arxasına oturan, sərxoş halda avtomobil idarə edən sürücülər aşkar edilərək cəzalandırılıb. Tovuz rayonunda avtomobili sənədsiz idarə edən sürücülərə daha çox rast gəlindiyi, Qazaxda isə spirtli içki qəbul edərək sükan arxasına əyləşənlərin çoxluq təşkil etdiyi bildirilib. Reydlərə Şəmkir rayonunda yekun vurulub.

Ümumilikdə istirahət günlərində Gəncə-Qazax magistralında yol-hərəkət qaydalarını pozan 300-ə yaxın sürücü barəsində inzibati protokol tərtib olunub. Onlardan 12-si sərxoşluqla bağlı olub.

Reydlərin qarşıdakı günlərdə də davam etdiriləcəyi bildirilib.