Bakı. Fərid Mirzəyev – APA. 3-10 mart tarixlərində Ekologiya və Təbii Sərvətlər Nazirliyi (ETSN) tərəfindən qanunsuz ov hallarının qarşısının alınması məqsədilə reydlər keçirilib.
Nazirliyin mətbuat xidmətindən APA-ya verilən məlumata görə, Samux rayonu ərazisində keçirilmiş reyd zamanı ov edən 3 nəfər naməlum şəxs saxlanılıb. Onlardan 3 ov tüfəngi, 6 patron götürülüb və barələrində qanunamüvafiq qaydada akt tərtib olunub. Hazırda sənəd təqdim etməyən qanun pozucularının şəxsiyyətlərinin müəyyənləşdirilməsi üçün qanunvericiliyə uyğun qaydada zəruri tədbirlər görülür.