Sənaye və energetika

Ana səhifə

Azərbaycan Sənaye və Energetika Nazirliyində İndoneziya nümayəndə heyəti ilə görüş keçirilib

17 sentyabr 2012 15:53 (UTC +04:00)

Bakı - APA-Economics. Bu gün Azərbaycanın sənaye və energetika naziri Natiq Əliyev İndoneziyanın iqtisadi məsələlər üzrə koordinasiya naziri Hatta Racasanın rəhbərlik etdiyi nümayəndə heyətini qəbul edib.

«APA-Economics»in məlumatına görə, görüşdə iki ölkə arasında neft-qaz və energetika sektorunda əməkdaşlıq məsələləri müzakirə edilib.

N.Əliyev qonaqlara Azərbaycanın neft-qaz sektorunda aparılan islahatlar və həyata keçirilən layihələr barədə məlumatlar verib. Tərəflər iki ölkə arasında əməkdaşlıq üçün maraqlı istiqamətləri müzakirə ediblər və burada real imkanların olduğu bildirilib. N.Əliyev bildirib ki, yaxın vaxtlarda Azərbaycan tərəfi sənaye və alternativ energetika ilə bağlı əməkdaşlıqla bağlı təkliflərini təqdim edəcək.

Görüşdə qarşılıqlı maraq doğuran digər məsələlər də müzakirə olunub.