Bakı-APA. Çinin Lyaonin əyalətində dağ-mədən şirkətlərindən birinə məxsus şaxtada baş vermiş yanğın nəticəsində 13 nəfər ölüb, 10 nəfər isə yaralanıb.
APA-nın “Sinhua” agentliyinə istinadən verdiyi xəbərə görə, yanğın axşam saatlarında şaxtada aparılan qaynaq işləri zamanı baş verib.
Hadisə zamanı şaxtada 23 fəhlə olub. Hadisə yerində əməliyyat qərargahı yaradılıb. Hazırda yanğın söndürülüb, yaralılar xəstəxanaya yerləşdirilib.