Bakı-APA. Rusiya prezidenti Vladimir Putin Ukraynanın cənub-şərqində atəşkəsə nail olunduğunu bildirib.
APA-nın RİA Novosti agentliyinə istinadən verdiyi məlumata görə, bu barədə Rusiyanın dövlət başçısı BMT-nin Baş Assambleyasındakı çıxışında deyib.
“Atəşkəsə nail olunub. Hazırda növbəti addımın atılması, Donbasda 100 mm-dən az çaplı silahların geri çəkilməsinə dair razılığa gəlmək lazımdır. Eyni zamanda, üç əsas istiqamət üzrə - siyasi nizamlama, təhlükəsizlik, iqtisadi-humanitar məsələləri üzrə işlər davam etdirilməlidir”, deyə V.Putin bildirib.
Putin həmçinin rəsmi Kiyev və separatçılar arasında birbaşa dialoqun qurulmasının vacibliyini vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
