Bakı. Məlahət Nəcəfova - APA. Rusiya Fövqəladə Hallar Nazirliyinin (FHN) Primorsk vilayəti üzrə Baş İdarəsinin rəisi, polkovnik Oleq Fedyura vəzifə səlahiyyətlərini icra edərkən ölüb.
APA-nın “Delta” agentliyinə istinadən verdiyi məlumata görə, nazirlikdən bildirilib ki, hadisə bu gün su bəndinin dağıldığı Çuquevsk rayonunun Uborka kəndində baş verib.
Şahidlərin sözlərinə görə, su bəndinin dağılması nəticəsində köməksiz qalanlara yardıma gedən "KamAZ" markalı maşın Şumnıy qəsəbəsindən Uborka kəndinə doğru hərəkətdə olarkən aşıb və xilasedicilərlə birlikdə suya düşüb.
Avtomobilin banında olanlar xilas ola bilsələr də, kabinədə olan idarə rəisi və daha bir əməkdaş suda boğulub. Onların meyitləri hələlik sudan çıxarılmayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
