Bakı. Yeganə Laçınzadə - APA-Economics. İyun ayında “Yaşıl Kart” sistemi çərçivəsində fəaliyyət göstərmək hüququ olan sığortaçılar tərəfindən 827 beynəlxalq sığorta müqaviləsi bağlanıb.
İcbari Sığorta Bürosundan “APA-Economics”ə verilən xəbərə görə, bu müqavilələrdən 783 müqavilə Türkiyə və İran İslam Respublikasına, 37 müqavilə “Yaşıl Kart” sisteminə daxil olan bütün ölkələrə, 7 müqavilə isə Moldova və Ukrayna Respublikasına səfər edən avtonəqliyyat vasitələri ilə bağlı olub.
İyun ayında beynəlxalq sığorta müqavilələri üzrə sığorta haqları 63 676 manat təşkil edib.
“Yaşıl Kart” üzrə bağlanılan müqavilələrin 703-ü minik, 62-si yük, 52-si qoşqu, 8-i avtobus, 2-si isə motosiklet kateqoriyası üzrə olan nəqliyyat vasitələri ilə bağlı olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
