Yunanıstan polisi tərəfindən Afinanın şərqindəki qəsəbələrdən birində yanğınla əlaqədar tərk edilmiş evlərdə oğurluq edən 4 nəfər saxlanılıb.
APA-nın “Sputnik Yunanıstan” agentliyinə istinadən verdiyi xəbərə görə, 22-26 yaşlarında olan şəxslər Neos Voutzas kəndi istiqamətində yaxalanıb. Onlar yanğınla əlaqədar boşaldılmış evlərə girərkən yaxalanıblar.
Qeyd edək ki, Yunanıstanda dəhşətli meşə yanğınlarında ölənlərin sayı 74-ə çatıb. Faciə ilə əlaqədar ölkədə 3 günlük matəm elan edilib. Paytaxt Afinanın da daxil olduğu Attika bölgəsində fövqəladə vəziyyət elan edilib.