Bakı-APA. Avropa Azərbaycanlıları Konqresi (AAK) və Almaniyadakı Azərbaycanlıların Koordinasiya Mərkəzi (AAKM) Ermənistan silahlı qüvvələrinin Azərbaycan vətəndaşları Dilqəm Əsgərov və Şahbaz Quliyevi Kəlbəcər rayonu ərazisində girov götürməsi ilə bağlı Avropanın ictimai, siyasi və humanitar təşkilatlarına bəyanat ünvanlayıb. Diasporla İş üzrə Dövlət Komitəsinin mətbuat xidmətindən APA-ya verilən məlumata görə, müraciətdə öz doğma torpağında erməni işğalçıları tərəfindən girov götürülmüş Dilqəm Əhmədov və Şahbaz Quliyevin vəziyyətinin ağır olduğu bildirilib və beynəlxalq qurumları həmvətənlərimizin taleyinə biganə qalmamağa çağırır, erməni işğalçılarının işgəncə siyasətinə son qoymasını tələb edilib. Bəyanatda Kəlbəcərdəki hadisələrlə yanaşı, Dağlıq Qarabağ və yeddi ətraf rayonunun ermənilər tərəfindən işğal edilməsi, bir milyon qaçqın və məcburi köçkünün acınacaqlı taleyi barədə bir daha məlumat verilib.
AAK və AAKM-in vətəndaşlarımızın müdafiəsinə dair yaydığı bəyanatda ən bəsit insan hüquqlarının – Vətəndə yaşamaq hüququnun pozulmasının yolverilməməzliyi vurğulanır və bu hüququn bərqərar olunması tələb olunur.
AAK və AAKM-in bəyanatı Avropa Parlamentinə, Alman Bundestaqına və eyni zamanda «Human Rigths », « Amnesty İnternational», « Qırmızı xaç» kimi beynəlxalq qurumlara təqdim olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
