Bakı. Zümrüd Paşayeva – APA. “Ukrayna dövlət sərhədini dəyişməyəcək. Bununla bağlı yayılan məlumatlar həqiqətə uyğun deyil”.
APA-nın “Ukrinform”a istinadən verdiyi xəbərə görə, bu sözləri Ukrayna prezidenti Pyotr Poroşenko deyib.
"Dövlətin sərhədi beynəlxalq razılaşmalara uyğundur və dünya birliyi tərəfindən tanınır. Dövlət sərhədinin dəyişdirilməsi ilə bağlı hər hansı məsələ müzakirə mövzusu ola bilməz”, - deyə o vurğulayıb.
Ukrayna prezidenti bildirib ki, məsələ ilə əlaqədar deyilənlər sadəcə siyasi fərziyyədir. O qeyd edib ki, “bufer zonası”nda separatçı qrupların fəaliyyətinə mane olmaq üçün xüsusi müdafiə xəttinin yaradılması yeni dövlət sərhədi demək deyil.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
