Bakı. Aqşin Rafiqoğlu - APA-Economics. Azərbaycan Dövlət Neft Şirkəti (ARDNŞ) bu ilin oktyabr ayında Novorossiysk limanından 84 769 ton xam neft ixrac edib.
ARDNŞ-dən “APA-Economics”ə verilən məlumata görə, bu, ötən ilin eyni dövrü ilə müqayisədə 49,9% azdır.
Ümümilikdə, bu ilin yanvar-oktyabr ayları ərzində Novorossiysk limanından 847 352 ton xam neft ixrac edilib. Bu, ötən ilin analoji dövrü ilə müqayisədə 43,3% azdır.
ARDNŞ tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.