Bakı - APA. Millət vəkili, Böyük Quruluş Partiyasının başqanı, fəlsəfə üzrə fəlsəfə doktoru Fazil Mustafanın “Bütöv Azərbaycanlı axtarışı” adlı yeni kitabı çapdan çıxıb.
APA-nın xəbərinə görə, “Nurlar” Nəşriyyat-Poliqrafiya Mərkəzində nəşr olunan 664 səhifəlik kitabın redaktoru tarix üzrə fəlsəfə doktoru Cavid İsmayıldır.
Qeyd edək ki, bu, Fazil Mustafanın 2014-cü ildə işıq üzü görən üçüncü kitabıdır. Kitabda müəllifin 2014-cü ildə dövri mətbuatda yer alan publisistik məqalələri dərc olunub. Bu məqalələrdə müəllif ictimai-siyasi gündəmin müxtəlif sahələrinə aid ən aktual mövzulara toxunub, maraqlı görüş və təkliflərini irəli sürüb.
Fazil Mustafanın “Azərbaycanda türk kimliyi və saxta tarix problemi” və “Bütöv Azərbaycanlı axtarışı” adlı kitablarının imza mərasimi dekabrın 6-da saat 12.00-13.00-da RUS Kitab Evində (“Nizami” metro stansiyasının yaxınlığında, Azad Qadın heykəlinin yanında) və saat 13.30-15.00-da “KİTABEVİM” mağazasında (“28 May” metro stansiyasının yanında, Dəmiryolu Xəstəxanasının giriş darvazasının sağ tərəfində, Puşkin küç. 26 a) keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
